30-Jahre Jubiläum & Trucker 2025
Das Jahr hei mir üses 30-jährige Firme – Jubiläum am Truckerfestival in Interlake dörfe fiire.
30 Jahr uf dr Strass, 30 Jahr Tag für Tag vorwärts. Ungloublich wie di Zit vergange isch.
30- Jahr wo ohni üsi treui Kundschaft, u tolle Mitarbeiter, nid müglich wäre!
Es ganz es grosses MERCI
Aus erschts möchte mir üs vo Härze bi üsem Team bedanke…mit derä Hammer Uhr, u däm wunderschönä Bänkli heit dir üs e riese Fröid gmacht. Mir wärde die sehr i Ehrä haute! Das mir so es guets Team hei, wo zämähautet, mitzieht, mitluegt u loyal, isch, Tag für Tag so viu Isatz u Flexibilität zeigt, isch nid selbstverständlich! Mir schetzä das sehr u wüsse, das isch es riesigs Gschänk.
Im Name vom ganze Team möchte mir o es riesigs MERCI säge ad Scania – für di würklich tolle Jacke, de unvergässlich Tag in Södertälje und die langjährigi schöni Zämearbeit.
Es härzlichs danke ou em Stani Schwab für di feine Bier mit der personalisierte Etikette, wo du extra für üs hesch la mache.
Elodie Fasoli Adam und Alex…. Je ne sais pas combien d’heures tu as passé dessus. Ton cadeau est magnifique !
Schöni Bsüech & Prominänz
Mir hei üs ou über vieli schöni Bsüech vo Kunde, Kollegä u Fründe dörfä fröie, us gmüetliche mitenand chönnä gniesse.
Dr Bsuech vom Bruce Wilson isch natürlich o dr Burner gsi… Sehr sympathisch u vou am Bode bliebe. Hey @Bruce Wilson , thanks for your visit! Greetings to your mom, big hug!
Es isch rundum es Hammer Wucheändi gsi.
